ست رخيصة

الناس بيقولوا عنى أنى ست رخيصه لانى مستحمله جوزى عشان خاطر عيالى

يوم ما جوزى دخل عليه ومعاه مراته الجديدة قالى انهت هتقعد معانا فى نفس البيت وانى هنزل اقعد فى شقه امه ولازم ارضى بالامر الواقع او يطلقنى ويرمينى بالعيال وافقت عشان الاولاد وانهم يفضلوا عايشين بينى وبين ابوهم

شقه حماتى قديمه فرشها قديم رضيت بيه وعشت عليه وجوزى وضب شقتى اللى فوق وقعد وعاش فيها

كل يوم ياخد مراته الجديدة وسهر وخروج ولبس وعيشه دلع إنما انا بقيت عايشه لاولادى ولخدمتهم حتى الاكل بقى يجبرنى انى اعمله وطلعه ليها تاكل على الجاهز

بقيت انزل السوق واجيب الطلبات واقف اطبخ واطلعلها الغدا والعشا لحد عندها ولو معملتش كده يقطع المصروف عنى وعشان يتأكد من انى افضل تحت طوعه بقى يدينى مصروف اليوم بيومه وبعدها بقى يسيب ضرتى هى اللى تدينى مصروف البيت وتحاسبنى بنفسها عشان تضمن انى ماحوش حاجه لنفسى  ولادى كبروا معايا وبقوا يسمعوا كلام الناس وطريقه تعاملهم معايا ويفضلوا يعيطوا وانا مابقتش عارفه اعمل ايهوغير انى احضنهم واطبطب عليهم

فى يوم جوزى قالى إن ضرتى حامل وانى اطلع كل يوم بعد ما اخلص الغدا انضفلها الشقه عشان مش قادره تتحرك ولو معملتش كده مش بس هيض.ربنى لا ده كمان هيضرب العيال ويخرجهم من المدارس وافقت غصب عنى عشان مستقبل ولادى وبقيت اطلع انضفلها واجهزلها الاكل وهى بتبقى قاعده فارده رجلها على الكنبه بتتفرج على التلفزيون وتلعب الموبايل وتشاورلى امسحى ده ونضفى ده واغيلى السجاده دى وعشان اولادى كنت بنفذ وانا دموعى على خدى وفى وسط ما بروق الشقه لقتها بصتلى ببرود وقالتلى الدمتوره قالتلى للزم اعمل مساج لرجلى عشان بتورم روحى هاتى طبق مايه وملح وتعالى ادعكيلى رجلى

هنا حسيت بإن حاجة جوايا اتكسرت وماتت خالص. الطبق اللي كان في إيدي وقع على الأرض وعمل صوت هز البيت كله، بس الصوت ده كان أرحم بكتير من الصوت اللي كان بيصرخ جوايا.

بصيت لها وهي قاعدة بكل برود، فاراد رجلها، وماسكة الموبايل وبتبصلي بمنتهى الحقارة وهي مستنية مني أنفذ. في اللحظة دي بالذات، طيف ولادي عدى قدام عيني؛ افتكرت نظراتهم ليا، افتكرت دموعهم وهما بيسمعوا الناس بتقول عليا كلام يوجع القلب، افتكرت إن السكوت اللي كنت فاكراه حماية ليهم، طلع بيخليهم يشوفوا أمهم بتهون وتنكسر كل يوم اكتر من اليوم اللي قبله.