حكايه صافي هاني الاول

حاولت أرد لكن حلقي كان لسه بيوجعني بعد العملية

قربت مني أكتر وقالت

بطلي تمثيل

وفجأة مدت إيدها ناحية مكان العملية بحركة عنيفة

صرخت من شدة الألم والأجهزة بدأت تصفر بصوت عالي

كريم جرى عليها في نفس اللحظة وشدها بعيد عن السرير ووقف بينا وهو بيزعق

إنتي بتعملي إيه

الممرضات دخلوا جري

واحدة كشفت عليا والتانية طلبت الأمن وكلمت دكتور الجراحة

حماتي كانت لسه بتحاول تبرر اللي عملته لكن أول ما شافت الدكاترة والأمن داخلين وشها اتغير وبان عليها الخوف

كريم شاور على الباب وقال

إنتي عرضتي حياة مراتي للخطر اطلعي بره حالا

بعد دقائق الأمن وصل

حماتي حاولت تقول إنهم فاهمينها غلط وإنها كانت بس بتطمن عليا

لكن كريم قال قدام الكل

مراتي لسه خارجة من عملية ومش قادرة حتى ترفع راسها وإنتي جيتي تهاجميها

الأمن بدأ يخرجها وهي بتصرخ وتقول إن الكل هيعرف الحقيقة وإن أنا السبب في خراب العيلة

كريم رد عليها لأول مرة من غير ما يخاف من زعلها وقال

من النهارده مفيش حد هيهين مراتي أو يقرب منها طول ما أنا عايش

افتكرت إن كل حاجة انتهت

لكن بعد أقل من دقيقة دخلت ممرضة وهي ماسكة ظرف بني كبير وقالت

#حكايات_صافي_هاني

#حصري

دي حاجات المدام اللي كانت معاها قبل العملية وفيه ورقة لقيناها وسط حاجتها

كريم أخد الظرف وبدأ يطلعه

كان فيه موبايلي ودبلتي وسلسلة صغيرة

وفي الآخر ورقة مطوية مكتوب عليها بخط واضح

مايتفتحش غير لو المريضة ما خرجتش من العملية

سكتت الأوضة كلها

كريم فتح الورقة بإيد بترتعش

قرأ أول سطر

وفجأة وشه اصفر وبص ناحية أمه بصدمة وكأن الأرض اتهزت من تحته

وقال بصوت مخنوق

إنتي… مستحيل… إنتي كنتي مخططة لكل ده من البداية؟

حماتي وقفت مكانها من غير ما تنطق بحرف

وأنا كنت ببص بينهم ومش فاهمة إيه المكتوب

لكن نظرة الرعب اللي في عين كريم كانت كفاية أعرف إن اللي مستخبي في الورقة أخطر بكتير من اللي حصل في أوضة المستشفى

والحقيقة اللي كانت مكتوبة فيها كانت هتدمر العيلة كلها…يتبع في الجزء الثاني…القصه كامله ع الصفحه هنا اضغط هايوصلك